अन्तर्राष्ट्रिय कराते प्रतियोगितामा नेपालले पनि प्रतिस्पर्धा गर्ने

भैरहवा । यही पुस २४, २५ र २६ गते भारतको कलकत्ता उलबरियास्थित रविन्द्र भवनमा हुने ९ औं अन्तर्राष्ट्रिय कराते च्याम्पियनसीप २०२० तथा अन्तर्राष्ट्रिय स्पोर्टस एक्सलेन्स अवार्डमा नेपालको तर्फबाट मिसन गोजुरीयोको टिमले भाग लिने भएको छ ।

उक्त प्रतियोगिताका सम्बन्धमा जानकारी दिने उद्देश्यले भैरहवामा आयोजना गरिएको पत्रकार सम्मेलनमा जापान गोजु रियो कराते डो मिसन संघ नेपालका प्रमुख प्र्रशिक्षक केबी राना (काजी) ले भने, ‘५ देशका ५ सय खेलाडीको प्रतिस्पर्धा हुने उक्त प्रतियोगितामा नेपाली टोलीको नेतृत्व मिसन गोजुरीयोले गर्ने छ ।’ प्रतियोगितामा श्रीलंका, भुटान, बंगलादेश, नेपाल र भारतका खेलाडीले प्रतिस्पर्धा गर्ने छन् ।

मिसन गोजुरीयाका संस्थापक अध्यक्ष समेत रहेका काजीले प्रतियोगितामा १० वर्ष उमेर समूहदेखि १९ वर्षभन्दा माथिको उमेर समूहका करातेको कुमुते र काता विधामा प्रतिसपर्धा हुने बताए । प्रतियोगितामा ७ जना महिला सहित २० जना खेलाडी र ७ अफिसियल गरी २७ जना सहभागी हुनेछन् ।