जनकपुरधाम– नेकपा एकीकृत समाजवादी पार्टीको पक्षमा सनाखत भइरहँदा माधव नेपाल पक्षमा खुलेका दुई प्रदेशसभा सदस्यहरु एमालेको कार्यक्रममा सहभागी भएका छन्। प्रदेश २ मा नेकपा (एस) को पक्षमा १० जना प्रदेशसभा सदस्य सनाखत गराइहँदा सुन्दरबहादुर विश्वकर्मा र सीता गुरुङ भने निर्वाचन आयोगको कार्यालयमा उपस्थित भएनन्।
नेकपा एकीकृत समाजवादीको पक्षमा सनाखत भइरहँदा विश्वकर्मा र गुरुङ एमालेको वीरगन्जमा जारी कार्यक्रममा सहभागी भएको जानकारी एमालेका स्थायी कमिटी सदस्य सत्यनारायण मण्डलले जानकारी दिए।वीरगन्जमा एमालेको प्रदेश कमिटी बैठक चलिरहेको छ।
विश्वकर्मा नयाँ पार्टीको संसदीय दलको नेता बन्ने दाउमा थिए। यद्यपि उनलाई प्रदेश २ को प्रदेशसभामा सचेतकको जिम्मेवारी दिने भएपछि उनी एमालेमा खुलेको बताइएको छ। गुरुङ भने विश्वकर्मासँगै खुलेकी खुलेकी हुन्। दुवै जना बाराका प्रदेशसभा सदस्य हुन्।