आमा–छोरा मिलेर बाबुको हत्या !

आमा-छोरा मिलेर बाबुको हत्या गरेको आशंकामा प्रहरीले दुई जनालाई पक्राउ गरेको छ ।

नेपाल समय | बुधबार, मंसिर २५, २०७६

नेपाल समय

बुधबार, मंसिर २५, २०७६

सुर्खेत- आमा-छोरा मिलेर बाबुको हत्या गरेको आशंकामा प्रहरीले दुई जनालाई पक्राउ गरेको छ ।

पूर्वी सुर्खेतको भेरीगङ्गा नगरपालिका–२ मालनेटाबाट बाबुको हत्या आशङ्कामा आमा–छोरालाई पक्राउ गरेको हो ।

इलाका प्रहरी कार्यालय छिन्चुका अनुसार सोही ठाउँका ४७ वर्षीय लोकबहादुर बिसीको हत्या आशङ्कामा श्रीमती सुमित्रा र छोरा कमल बिसीलाई मङ्गलबार साँझ पक्राउ गरिएको हो ।

इलाका प्रहरी कार्यालयका प्रहरी निरीक्षक निरोज चौलागाईंले लोकबहादुरको शव घरदेखि ५० मिटर टाढा गोरेटो नजिक सोमबार फेला परेको जानकारी दिए ।

“घरभित्र हत्या गरेर बाहिर फालेको जस्तो देखिएको छ”, उनले भने, अनुसन्धानका लागि मृतककी श्रीमती र छोरालाई नियन्त्रणमा लिइएको हो, अनुसन्धान हुँदैछ ।”

प्रकाशित: Dec 11, 2019| 02:58 बुधबार, मंसिर २५, २०७६