सागको अन्तिम दिनअघि कुन देशले स्वर्णसहित कति पदक जिते ?

काठमाडाैं- नेपालमा जारी तेह्रौँ दक्षिण एशियाली खेलकूद (साग)को अन्तिम दिनको खेल बाँकी छदा अहिलेसम्म २७८ स्वर्ण पदकसहित ९२९ पदकको छिनोफानो भएको छ ।

सोमबारका सबै खेल सकिदासम्म भारत पहिलो स्थानमा छ भने नेपाल दोस्रो स्थानमा छ । श्रीलंका तेस्रो, पाकिस्तान चौथो, बंगलादेश पाँचौ, माल्दिभ्स छैटौँ र स्वर्ण पदक बिहिन बनेको भुटान सबैभन्दा पुछारमा छ ।

राससका अनुसार अहिलेसम्म भारतले १४३ स्वर्ण, ८३ रजत र ४३ कास्यसहित कूल २६९ पदक जितेको छ । नेपालले ४९ स्वर्ण, ५१ रजत तथा ८३ कास्यसहित कूल १८३ पदक जितेको छ ।

श्रीलङ्का ३६ स्वर्ण, ७६ रजत र १०७ कास्यसहित तेस्रो, पाकिस्तान ३० स्वर्ण, ३३ रजत र ४९ कास्यसहित चौथो, बङ्गलादेश १९ स्वर्ण, ३० रजत र ७५ कास्यसहित पाँचौँ स्थानमा छ ।

माल्दिभ्स एक स्वर्ण र तीन कास्य जित्दै छटौँ तथा भूटान पाँच रजत तथा १३ कास्यसहित पदक तालिकाको अन्तिम स्थानमा छ ।

नेपालले सोमबार बक्सिङमा दुई तथा पौडी र जुडोमा एक–एक स्वर्ण पदक जितेको थियो ।

यस्ताे छ साग पदक तालिका