३६ शैक्षिक संस्थाले पाए क्युएए प्रमाणपत्र

काठमाडौं– पछिल्ला दुई वर्षमा उच्च शिक्षा प्रदान गर्ने ३६ वटा शैक्षिक संस्थाले गुणस्तर सुनिश्चतता तथा प्रत्यायन (क्युएए) प्रमाणपत्र पाएको विश्वविद्यालय अनुदान आयोगले जनाएको छ ।

सरकारले २०७४ सालदेखि क्युएए कार्यक्रमका लागि कार्यगत स्वायत्त निकाय बनाउने कार्य सुरु गरेकोमा हालसम्म ३६ संस्थाले गुणस्तरको प्रमाणपत्र पाएका हुन् । यस्तो प्रमाणपत्र पाएका कलेजलाई अन्तरराष्ट्रिय रुपमा नै गुणस्तरको मान्यता दिने गरिन्छ ।

आयोगका अनुसार देशभरबाट ३३० वटा शैक्षिक संस्थाहरूले शैक्षिक कार्यक्रमको गुणस्तरका लागि आशयपत्र लिएका थिए । निकट भविष्यमा नै क्युएए प्रमाणपत्र प्राप्त गर्ने शैक्षिक संस्थाहरूको संख्या ७० भन्दा बढी पुग्ने आयोगको अपेक्षा छ ।

आयोगले सबै क्याम्पसहरूलाई गुणस्तर सुचिनिश्चतता तथा प्रत्यायन प्रक्रियामा सहभागी भई उच्च शिक्षाको गुणस्तर कायम गर्न आह्वानसमेत गरेको छ ।