कपिलबस्तु घट्नाका मुख्य आरोपी साह पक्राउ

काठमाडौं- कपिलवस्तुको कृष्णनगर घटनाका मुख्य आरोपी जमाल साहलाई प्रहरीले पक्राउ गरेको छ।

बहादुरगञ्ज चन्द्रौटाको बीचमा स्थानीयको घरमा लुकेर बसेको अवस्थामा साहलाई पक्राउ गरिएको कपिलवस्तुका प्रहरी प्रमुख प्रहरी उपरीक्षक दिपशम्सेर जबराले जानकारी दिए।

पक्राउ परेका साहलाई जिल्ला प्रहरी कार्यालय तौलिहवा ल्याईदै गरेको उनले बताए।

लक्ष्मीपुजाको मुर्ति विर्सजनमा विवाद सिर्जना गर्ने र झडपसम्मको अवस्था निम्त्याउने मुख्य व्यक्तिको रुपमा साहमाथि आरोप छ।

यसअघि, साहलाई पक्राउ गरी नियम अनुसार कडा कारवाही हुनुपर्ने मागसहित सांसद अभिषेक प्रताप साहले गृहमन्त्री रामबहादुर थापालाई ज्ञापन पत्र बुझाएका थिए।

विवादले उग्ररुप लिएपछि कृष्णनगरमा कफ्र्यु लागेकै समयमा भारतीय नागरिक २० वर्षीय सुरज कुमार पाण्डेयको गोली लागेर मृत्यु भएको थियो।