प्रदेश २ मा आइतबार सार्वजनिक विदा

नेपाल समय | आइतबार, पुस १६, २०७४

नेपाल समय

आइतबार, पुस १६, २०७४

जनकपुरधाम- प्रदेश २ सरकारले आगामी आइतबार सार्वजनिक विदा दिने भएको छ । छठ पर्वको अवसरमा प्रदेश सरकारले आइतबारसमेत विदा दिएको हो ।

यस वर्ष शनिबार र आइतबार छठ पर्व मनाइँदै छ । शनिबार अस्ताउँदै र आइतबार उदाउँदो सूर्यलाई अर्घ दिइँदै छ । छठको मुख्य दिन शनिबार स्वतः विदा भए पनि उदाउँदो सूर्यलाई अर्घ दिइने आइतबार पनि प्रदेश सरकारले सार्वजनिक विदा दिएको हो ।

यसअघि संघीय सरकारले अस्ताउँदो सूर्यलाई अर्घ दिइने दिनमात्र छठको विदा दिँदै आएको थियो, जुन यसपटक पनि कायमै छ ।

२०७४ सालमा पहिलो पटक शेरबहादुर देउवा नेतृत्वको सरकारले छठमा दुई दिन विदा दिने निर्णय गरेको थियो ।

अस्ताउँदो र उदाउँदो सूर्यलाई अर्घ दिएर दुई दिन छठ पर्व मनाइने भएकोले प्रदेश सरकारले आफ्नो क्यालेण्डरमै दुई दिन विदा दिने उल्लेख गरेको छ ।

प्रकाशित: Dec 31, 2017| 18:23 आइतबार, पुस १६, २०७४