अदालतमा महराको बयान सुरु

काठमाडौं : यौन दुर्व्यवहार आरोपमा पक्राउ परेका पूर्वसभामुख कृष्णबहादुर महरासँग काठमाडौं जिल्ला अदालतले बयान लिन सुरु गरेको छ। 

न्यायाधीश सुदर्शनराज पाण्डेको इजलासमा बयान सुरु भएको हो । बयानपछि थुनछेक बहस हुनेछ। त्यसपछि महरालाई धरौटी वा तारेखमा छुटाउने वा पुर्पक्षकालागि थुनामा पठाउने भन्ने टुंगो लाग्नेछ।

महराविरुद्ध जबरजस्ती करणी उद्योगमा मुद्दा दर्ता भएको थियो। मुलुकी अपराध संहिताअनुसार जबरजस्ती करणी उद्योगमा दोषी पाइएमा ७ देखि १० वर्षसम्म कैद सजाय हुने व्यवस्था छ। करणी उद्योगमा त्यसको आधा सजाय हुनेछ। 

संसद् सचिवालयमा कार्यरत कर्मचारी रोशनी शाहीले बलात्कार प्रयास गरेको आरोप लगाएपछि महराले असोज १४ गते सभामुख पदबाट राजीनमा दिएका थिए । शाहीको उजुरीका आधारमा महरालाई प्रहरीले असोज १९ गते पक्राउ गरेको थियो।