तरकारीको मूल्य घट्यो 

काठमाडौं- विगत केही समयदेखि निरन्तर बढिरहेको तरकारीको मूल्य तिहारलगत्तै घटेको छ।

कालिमाटी फलफूल तथा तरकारी विकास समितिले जारी गरको मूल्य सूचीअनुसार काउली प्रतिकिलो थोक मूल्य ५७ रुपैयाँसम्म घटेको छ।

मंगलबार प्रतिकिलो थोक मूल्य १ सय ७५ रुपैयाँ रहेको काउली बुधबार १ सय १८ रुपैयाँमा झरेको छ। सेतो मुला प्रतिकिलो ४२ रुपैयाँ रहेकोमा बुधबार ३८ रुपैयाँ पुगेको छ। एक सय ४५ रहेको रायोको साग बुधबार प्रतिकिलो १२३ रुपैयाँमा किनबेच भइरहेको छ। 

डल्ले च्याउ ७ सय ४५ रहेकोमा घटेर ४ सय ९५ प्रतिकिलो थोक मूल्य कायम भएको छ। प्रतिकिलो १ सय ८५ रुपैयाँ रहेको हरियो प्याज १ सय ४५ रुपैयाँ र गान्टेमुला प्रतिकिलो एक सय ४५ रहेकोमा घटेर ९५ रुपैयाँ कायम भएको छ। चाडपर्वले गर्दा महँगिएको तरकारीको मूल्य घटेसँगै उपभोक्ताले राहत महसुस गरेका छन्।