शक्तिशाली भूकम्पबाट फिलिपिन्समा ६ जनाको मृत्यु

नेपाल समय | आइतबार, पुस १६, २०७४

नेपाल समय

आइतबार, पुस १६, २०७४

काठमाडौं- दक्षिणी फिलिपिन्समा गएको शक्तिशाली भूकम्पका परि कम्तीमा ६ जनाको मृत्यु भएको छ ।

मंगलबार गएको ६.६ म्याग्निच्युडको भूकम्पका कारण ३०० भन्दा बढी व्यक्ति घाइते भएको फिलिपिन्सका अधिकारीले बताएका छन्। करिब १ मिनेटसम्म धक्का महशुस गरिएको भूकम्पबाट सर्वसाधारणका घरहरुका साथै ठुल्ठूला भवनहरु र स्कुलका कक्षाकोठाहरुमा क्षति पुगेको छ।

भूकम्पको पहिलो धक्का स्थानीय समयअनुसार मंगलबार बिहान ९ः०४ मा तादुनान शहरको २५ किलोमिटर दक्षिणपूर्व केन्द्रविन्दु भएर गएको थियो। भूकम्प गएलगत्तै ५.८ म्याग्निच्युडको परकम्प गएको अन्तर्राष्ट्रिय सञ्चारमाध्यमले जनाएका छन् । भूकम्पपछि दर्जनौ साना परकम्प गएको जनाइएको छ ।

भूकम्पका कारण स्थानीय प्रशासनले स्कुलहरु बन्द गर्न सूचना जारी गरेको छ। दुई साताअघि पनि फिलिपिन्समा ६.४ म्याग्नीच्यूडको भूकम्प गएको थियो।

प्रकाशित: Dec 31, 2017| 18:23 आइतबार, पुस १६, २०७४