घर भत्काउने क्रममा पुरिएर दुई जना घाइते, उद्धारकार्य जारी

काठमाडौं - काठमाडौंको चाबहिलस्थित शान्तिमार्गमा पुरानो घर भत्काउने क्रममा दुई जना कामदार पुरिएर घाइते भएका छन्। घाइते भएका उनीहरुको तत्काल उद्धार गरी अस्पताल पुर्‍याइएको छ।

स्थानीयवासीहरुले अरु केही कामदार पनि पुरिएको आशंका गरेका छन्। उनीहरुको खोजी कार्य भइरहेको महानगरीय प्रहरी कार्यालय रानीपोखरीका एसपी किरन बज्रचार्यले जनाएका छन्। उनका अनुसार अहिले प्रहरी परिचालन गरी खोजी कार्य अगाडि बढाइएको छ।

चाबहिलस्थित मेडिकेयर अस्पतालमा र  दीर्घायु अस्पतालमा घाइतेहरुको उपचार भइरहेको छ। घाइते कामदारको पहिचानको खोजी भइरहेको बज्रचार्यले जनाए।