जनकपुरधाम– वीरगन्जमा निर्माणाधिन अवस्थामा रहेको सर्वोतम स्टिल प्रालिमा बिहीबार दिउँसो भट्टी पड्केर आगलागी भएको छ।
वीरगन्ज महानगरपालिका–२२ जगरनाथपुरमा निर्माणाधिन अवस्थामा रहेको उद्योगमा रहेको फोहोर तथा कचरामा रहेको फलाम गलाउने भट्टी पड्किएर आगलगी भएको जिल्ला प्रहरी कार्यालय पर्साका प्रहरी नायव उपरीक्षक ओमप्रकाश खनालले जानकारी दिए।
आगलागीमा परेर ११ जना कामदार घाइते भएको उनले बताए। घाइते मध्ये ७ जनाको अवस्था गम्भीर छ। आगलागीमा परेर घाइते भएका सबैको उपचार वीरगन्जस्थित वयोधा अस्पतालमा भइरहेको छ।