मलेसियासँगको टी-२० सिरिज नेपाललाई

काठमाडौं- मलेसियासँगका दुई खेलको टी-२० अन्तराष्ट्रिय सिरिज नेपालले जितेको छ । आइतबार भएको खेलमा मलेसियालाई ६ रनले पराजित गर्दै नेपालले सिरिज जितेको हो । 

शनिबार भएको पहिलो खेलमा नेपालले मलेसियालाई ७ विकेटले पराजति गरेको थियो ।  नेपालले दिएको १ सय ७४ रनको विशाल लक्ष्य पछ्याएको मलेसियाले निर्धारित २० ओभरमा ७ विकेट गुमाउँदै मात्र १ रन ६७ बनाउन सक्यो । 

मलेसियाका लागि सयेल अजिजले अर्धशतकीय पारी खेले पनि जितका लागि प्रयाप्त हुन सिकेन् । उनेल ३७ बलमा ७ चौकमा र १ छक्का प्रहार गर्दै ५० रनको अर्धशतथकीय पारी खेलेका हुन् । त्यस्तै अमिनुद्दीन रामलीले २१ रनको अविजित पारी खेले । 

विरन्दीप सिंहले २३, अहमद फाइजले १७ र शाफिक शारिफले १० रन जोडे । नेपालका लागि सोमपाल कामी र सन्दीप लामिछानेले दुई दुई विकेट लिए । त्यस्तै अभिनास बोहरा, पारस खड्का र करन केसीले एक विकेट लिए । 

यसअघि टस जितेर पहिले ब्याटिङ गरेको नेपालले विनोद भण्डारीको उत्कष्ट अर्धशतीय पारीको मद्दतले २० ओभरमा ६ विकेट गुमाउँदै १ सय ७३ रन जोडेको थियो । 

नेपालका लागि शरद भेसवाकरले ४० रनको पारी खेले । मध्यम सुरुवात गरेको नेपालका लागि शरदले २८ बलमा ४ चौका र २ छक्का प्रहार गर्दै ४० रन जोडका हुन् । ४.५ ओभरमा ३४ रन पुग्दा पहिलो विकेटको रुपमा पवन सराफलाई गुमाएको नेपालले छैठौं ओभरमा दोस्रो र तेस्रो बलमा उपकप्तान ज्ञानेन्द्र मल्ल र कप्तान पासर खड्का लागि गुमाएको थियो । 

पवन १० रनमा आउट हुँदा मल्ल ७ र पारसले २३ रन जोडे । त्यस्तै चौथो विकेटको रुपमा रोहित कुमार पौडेलले १९ रन जोड्दा करन केसीले १६ रन जोडे । विनोद भण्डारीले आक्रमक ५१ रनको अर्धशतकीय पारी खेले । उनले २५ बलमा ३ चौका र ५ छक्का प्राहर गर्दै ५१ रनको अविजित पारी खेलेका हुन् । त्यस्तै सोमपाल कामी रनमा १ अविजित रहे । 

मलेसियाका लागि फित्री शामले तीन विकेट लिए । त्यस्तै सयेद अजिज र शर्भिन मुनियान्दीले एक एक विकेट लिए । अब नेपाल मालसियाबाट सिधै सिंगापुर प्रस्थान गर्ने छ । 

नेपाल सन् २०२० मा अष्ट्रेलियामा हुने विश्वकप एसिया छनोट फाइनलका लागि सिंगापुर जान लागेको हो । छनोट जुलाई २२ देखि २८ सम्म सिंगापुरमा आयोजना हुनेछ । एसिया फाइनलमा नेपालसहित आयोजक सिंगापुर, मलेसिया, कतार र कुवेत रहेका छन् । नेपाल पहिलो खेल कतारसँग खेल्नेछ ।