विनोदको विस्फोटक ब्याटिङमा मलेसियालाई विशाल लक्ष्य

काठमाडौं- विनोद भण्डारीको उत्कष्ट अर्धहतीय पारीको मद्दतले नेपालले टी-२० अन्तर्राष्ट्रिय सिरिज क्रिकेटको अन्तिम खेलमा मलेसियालाई जितका लागि १ सय ७४ रनको विशाल लक्ष्य सुम्पेको छ । टस जितेर पहिले ब्याटिङ गर्ने निर्णय गरेको नेपालले निर्धारित २० ओभरमा ६ विकेट गुमाउँदै १ सय ७३ रन जोडेको हो । 

नेपालक लागि शरद भेसवाकरले ४० रनको पारी खेले । मध्यम सुरुवात गरेको नेपालका लागि शरदले २८ बलमा ४ चौका र २ छक्का प्रहार गर्दै ४० रन जोडका हुन् । ४.५ ओभरमा ३४ रन पुग्दा पहिलो विकेटको रुपमा पवन सराफलाई गुमाएको नेपालले छैठौं ओभरमा दोस्रो र तेस्रो बलमा उपकप्तान ज्ञानेन्द्र मल्ल र कप्तान पासर खड्का लागि गुमाएको थियो । 

पवन १० रनमा आउट हुँदा मल्ल ७ र पारसले २३ रन जोडे । त्यस्तै चौथो विकेटको रुपमा रोहित कुमार पौडेलले १९ रन जोड्दा करन केसीले १६ रन जोडे । विनोद भण्डारीले आक्रमक ५१ रनको अर्धशतकीय पारी खेले । 

उनले २५ बलमा ३ चौका र ५ छक्का प्राहर गर्दै ५१ रनको अविजित पारी खेलेका हुन् । त्यस्तै सोमपाल कामी रनमा १ अविजित रहे । मलेसियाका लागि फित्री शामले तीन विकेट लिए । त्यस्तै सयेद अजिज र शर्भिन मुनियान्दीले एक एक विकेट लिए ।