ओलीको दाबी : ‘पार्टी एकीकरणमा विलम्ब हुन सक्छ, तर हुन्छ’

काठमाडौं - प्रधानमन्त्री एवं नेपाल कम्युनिष्ट पार्टी (नेकपा) का अध्यक्ष केपी शर्मा ओलीले पार्टी एकीकरणको प्रक्रिया पुरा गर्न केही ढिलाई भएपनि एकता भई छाड्ने दाबी गरेका छन्।

पार्टी केन्द्रीय कार्यालयमा आयोजित पार्टी प्रवेश कार्यक्रममा प्रधानमन्त्री ओलीले भने,‘हामी पृथकधारका दुईवटा पार्टी एकीकरण हुँदा केही विलम्ब भएको छ। यस महिनाभित्र एकताको काम पुरा हुन्छ।’

पार्टीमा रहेका नेताहरुलाई जिम्मेवारी दिइने ओलीले जानकारी दिए। ‘पहिलेदेखि पार्टीमा रहेका र अब प्रवेश गरेका साथीलाई यथोचित जिम्मोरी दिइने। केही ढिला हुन सक्छ। तर हुन्छ। तपाईहरु ढुक्क हुनुस्।’

देश अहिले विकासको बहसमा रहेको दाबी गर्दै प्रधानमन्त्रीले देश बनाउनका लागि सबैलाई एकतृत हुन आग्रह गरे।

‘तपाईहरुलाई लागेको छ कि हामीलाई ठूलो जिम्मेवारी दिइएन। हामी राष्ट्र निर्माणको कुरा गरिरहेका छौ त्यतीबेला सानो चित्त राख्नु हुँदैन।’ विभिन्न कम्युनिष्ट नेताहरुप्रति लक्षित गरी ओलीले भने,‘यो पार्टीमा सबै अउटाउन सकिन्छ।’

उपेन्द्र यादव नेतृत्वको समाजवादी पार्टीलाई लक्षित गरी ओलीले भने,‘फोरमका सबैलाई आउन आह्वान गर्छु। सबै आउनुस्। फोरमका बाबुराम मात्र होइन सबै नेताहरु आउनुस्।’

ओलीले उपेन्द्र यादवलाई पार्टी एकीकरणका लागि कार्यक्रमबाटै आह्वान गरेका छन्।