'गलबन्दी' युट्युवको ट्रेन्डिङ वानमा (भिडियोसहित)

काठमाडौं- निकै चर्चा कमाएको लोक दोहोरी गीत ‘गलबन्दी’को म्युजिक भिडियो युट्युवको ट्रेन्डिङ नम्बर वानमा आएको छ। 

प्रकाश सपुत र शान्तिश्री परियारको स्वरमा रहेको यो गीतलाई आइतबार बिहान ८ बजेसम्ममा ५१ लाख ८७ हजारले युट्युवमा हेरेका छन् । यो गीत एक साता अघि सार्वजनिक गरिएको हो ।
 
यो गीतको शब्द, सङ्गीत, स्वर र श्रव्यदृश्य निर्देशन प्रकाश सपुतले नै गरेका हुन् । स्वरमा सपुतलाई शान्तिश्री परियारको साथ दिएकी छिन् । म्युजिक भिडियोमा सपुत र अञ्जली अधिकारीको अभिनय छ ।

भिडियो छायाङ्कन सपुतकै जन्मघर बागलुङ, धम्जामा गरिएको छ । परम्परागत रोधीको झल्को आउने गरी बनाइएको गीतको शब्द, सङ्गीत र प्रस्तुतीकरणलाई स्रोता, दर्शकले अत्याधिक रुचाएका छन् ।

सपूतले अघिल्लो वर्ष निर्माण गरेको लोक गीत ‘बोल माया’ पनि युट्युब ट्रेन्डिङको नं एकमा आएको थियो । जुन गीत अहिलेसम्म एक करोडभन्दा बढी पटक हेरिएको छ । बोलमायाकै पूर्वभाग ‘प्रिक्वेल’को रुपमा ‘गलबन्दी’ ल्याएको सपुतले बताए ।