मोदीको क्याविनेटमा कसलाई कुन मन्त्रालय? 

काठमाडौं - भारतीय प्रधानमन्त्री नरेन्द्र मोदीको मन्त्रिपरिषद्का सदस्यहरुको कार्यविभाजन भएको छ।

मोदीको क्याविनेटमा भारतीय जनता पार्टीका अध्यक्ष अमित शाहलाई गृहमन्त्रीको जिम्मेवारी दिइएको छ भने वरिष्ठ नेता एवं पूर्व गृहमन्त्री राजनाथ सिंहलाई रक्षा मन्त्रीको जिम्मेवारी दिइएको छ।

नितिन गटकरीलाई पुनः सडक मन्त्रालयको जिम्मेवारी दिइएको छ।

यसैगरी नेपालमा संविधान जारी हुँदा मोदीको विशेष दूतका रुपमा आएका पूर्व विदेश सचिव एस जयशंकरलाई विदेश मन्त्रीको जिम्मेवारी दिइएको छ। जयशंकरले नै नेपालमाथि नाकाकन्दी गर्ने सुझाव मोदीलाई दिएको आरोप लाग्दै आएको छ।