हारपछि राहुलले दिएको राजीनामा अस्वीकृत

नयाँदिल्ली- भारतीय राष्ट्रिय कंग्रेसले चुनावमा अनपेक्षित हार व्यहोरेपछि राहुल गान्धीले अध्यक्ष पदबाट दिएको राजीनामा अस्वीकृत भएको छ । पार्टी कार्यसमिति सदस्यहरुले गान्धीको राजीनामा अस्वीकृत गरेका हुन् ।
 
पार्टी संकटमा परेका बेला अझै शसक्त ढङ्गले लाग्नु पर्ने निष्कर्ष निकाल्दै गान्धीको राजीनामा अस्विकृत गरेको भारतीय कंग्रेसका प्रवक्ता रन्दिप सुर्जेवालाले जानकारी दिए । उनका अनुसार कार्यसमितिका अधिकांश सदस्यले ‘पार्टीका लागि राहुलको नेतृत्व र मार्गदर्शनक आवश्यक रहेको’ बताएका थिए ।

चुनावमा पार्टीले अपेक्षित हार बेहोर्नुमा आफू मुख्य जिम्मेवार रहेको भन्दै राहुलले अध्यक्ष पदबाट राजीनामा गरेका थिए । कंग्रेसले ५४२ सिटका लागि भएको भारतीय लोकसभा चुनावमा जम्मा ५२ सिटमा जित हात पारेको छ ।

यो हारपछि अध्यक्ष राहुलसँगै अन्य वरिष्ठ नेताहरुले पनि पार्टीबाट राजीनामा दिएका थिए ।