कांग्रेस–नेकपा बेत बसेका गाई हुन् : बाबुराम

काठमाडाैं - नवगठित समाजवादी पार्टीका अध्यक्ष डा. बाबुराम भट्टराईले कांग्रेस–नेकपा बेत बसेका गाईजस्तै भएकाले अब तिनलाई छाडेर आफ्नो पार्टीमा समाहित हुन आमजनतालाई आग्रह गरेका छन् । समाजवादी पार्टी घोषणा समारोहमा सम्बोधन गर्दै उनले अब नयाँ भिजनसहितको राजनीतिक दल नभई मुलुकमा आर्थिक एवम् सामाजिक विकास सम्भव हुन नसक्ने बताए । उनले भने, ‘जसरी बेत बसेका गाईले दूध दिँदैन, त्यसरी नै कांग्रेसमा लागेर समय बरबाद नगर्न आग्रह गर्दछु ।’

उनले केही निश्चित व्यक्तिलाई धनी बनाउन गणतन्त्र आएको नभई सबै जनतालाई खुसी र सुखी तुल्याउन गणतन्त्र आएको बताए । पार्टीले दलित, जनजाति, लिंग, वर्ण आदिका आधारलाई समावेशी रुपमा राज्यका मूल अंगहरूमा सहभागिता गराउँदै जाने बताए ।

को को छन् सामाजवादी पार्टीमा ?

पार्टीको केन्द्रीय अध्यक्षमा उपेन्द्र यादव र संघीय परिषदका अध्यक्षमा डा।बाबुराम भराई छन्।  यस्तै वरिष्ठ नेतामा अशोक राई तथा पार्टीको सहअध्यक्ष राजेन्द्र प्रसाद श्रेष्ठ रहेका छन्। 

उपाध्यक्षमा ८ जनालाई राखिएको छ।  उपाध्यक्षमा नवराज सुवेदी, पर्शुराम खापुङ, युवराज कार्की, रकम चेम्जोङ, रेणुकुमारी यादव, हिसिला यमी, लालबाबु राउत र हेमराज राई रहेको पार्टीले जनाएको छ। यस्तै ३ जना महासचिवमा गंगानारायण श्रेष्ठ, रणध्वज कंङदङ्वा, रामसहायप्रसाद यादव छन्। तीन उपमहाचिवमा डम्बर खतिवडा, दानबहादुर विश्वकर्मा र प्रकाश अधिकारी छन्। पार्टीको सचिवमा संघीय सरकारका वर्तमान सहरी विकास मन्त्री मोहम्दम इस्तियाक राई, दुर्गा सोब, परशुराम बस्नेत र प्रशान्त सिंह गरी ४ जना छन्। 

कोषाध्यक्षमा प्रदेश नम्बर २ का अर्थ मन्त्री विजय यादवले जिम्मेवारी पाएका छन्।