अबको तीन दिन हावाहुरीसहित वर्षा हुने

काठमाडौं- मौसममा देखिएको बद्लावसँगै शुक्रबार फानी आँधीको जोखिम देखिएको छ ।

मौसमविद्हरुका अनुसार केही दिनअघि भारतमा गएको ‘फानी’ आँधी बिस्तारै उत्तरपश्चिम दिशातर्फ बढेको र त्यसको असर शुक्रबार नेपालमा पनि देखिने भएको छ । 

मौसमविद्हरूले अपरान्हपछि हावाहुरीको जोखिम रहेकाले सजग बन्न सुझाव दिएकाछन् । शुक्रबार बिहानैदेखि कपिलवस्तु, रुपन्देही लगायतका क्षेत्रमा हावाहुरीसहित वर्षा भएको छ । यो क्रमश पूर्वतिर सर्ने र अझै ठूलो रुप लिन सक्ने मौसम पूर्वानुमान महाशाखले जनाएको  छ। 

महाशाखाले निकालेको सुचनाअनुसार आज शुक्रबार र भोलि शनिबार हावाहुरीको सम्भावना छ भने आइतबार पनि मौसम खराब रहने छ ।  देशका अधिकांश ठाउँमा हावाहुरी  तथा मेघ गर्जन सहित वर्षा हुने महाशाखाको अनुमान छ । 

यस्तो हुनेछ तीन दिनको मौसम 

बैशाख २० गते (शुक्रबार):

दिउँसोः देशको पुर्वी भु-भागमा पुर्ण बदलि र मध्य र पश्चिमी भु-भागमा आंसिक देखि सामान्य बदलि रही पुर्वका केहि स्थानहरुमा र मध्य र पश्चिमका थोरै स्थानमा मेघ गर्जन, हावाहुरी  सहित हल्का देखि मध्यम  वर्षाको संभावना रहेको छ |

राति: देशभरि सामान्य देखि पुर्ण बदली  रही पुर्वका केहि  स्थानहरुमा र मध्य र पश्चिमी भु-भागका थोरै स्थानमा मेघ गर्जन, हावाहुरी  सहित हल्का देखि मध्यम  वर्षाको संभावना रहेको छ | उच्च पहाडी र हिमालि  भु-भागमा हल्का देखि मध्यम खालको हिमपात हुने संभावना छ।

 बैशाख २१ गते (शनिबार):

दिउँसोः देशको पुर्वी भु-भागमा पुर्ण बदली, मध्य र पश्चिमी भु-भागमा आंसिक देखि सामान्य बदलि रही पुर्वी भु-भागका अधिकांस स्थानहरुमा , मध्य र पश्चिमका केहि स्थानहरुमा मेघ गर्जन, हावाहुरी  सहित  वर्षाको संभावना रहेको छ र पुर्वका एक दुइ स्थानमा भारि बर्षाको पनि संभावना छ।  उच्च पहाडी र हिमालि  भु-भागमा हल्का देखि मध्यम खालको हिमपात  हुने संभावना छ

राति: देशको पुर्वी भु-भागमा पुर्ण बदली, मध्य र पश्चिमी पहाडी भु-भागमा आंसिक देखि सामान्य बदलि रहि बाँकी भु-भागमा आंसिक बदली रहनेछ। पुर्वी भु-भाग लगायात मध्य तथा पश्चिमी पहाडी भु-भागका   केहि स्थानहरुमा मेघ गर्जन, हावाहुरी  सहित  वर्षाको संभावना रहेको छ र पुर्वका एक दुइ स्थानमा भारि बर्षाको पनि संभावना छ। उच्च पहाडी र हिमालि  भु-भागमा हल्का देखि मध्यम खालको हिमपात  हुने संभावना छ।

 बैशाख २२ गते (आइतबार):

 दिउँसोः देशको पहाडी भु-भागमा आंसिक देखि सामान्य बदलि रही बाँकि  भु-भागमा आंसिक बदलि हुने देखिन्छ। पुर्वी पहाडी भु-भागका थोरै स्थानहरुमा , मध्य र पश्चिमका पहाडी भु-भागका एक दुइ  स्थानमा मेघ गर्जन  सहित  वर्षाको संभावना रहेको छ 

राति: देशको पहाडी भु-भागमा आंसिक बदलि रही बाँकि  भु-भागमा सामान्यतया सफा हुने देखिन्छ।पहाडी भु-भागका थोरै स्थानमा मेघ गर्जन  सहित  वर्षाको संभावना रहेको छ ।