वडाअध्यक्ष घुससहित अख्तियारको फन्दामा

जनकपुरधाम – सप्तरीका एकजना वडाअध्यक्ष घुससहित पक्राउ परेका छन्। अख्तियार दुरुपयोग अनुसन्धान आयोगको टोलीले सप्तरीको सुरुङा गाउँपालिका–५ का अध्यक्ष शिल्टु मियाँलाई सोमबार बिहान घुससहित पक्राउ गरेको हो।

एकजना सेवाग्राहीसँग २५ हजार रुपैयाँ घुस लिइरहेको अवस्थामा इटहरीस्थित अख्तियारको क्षेत्रीय कार्यालयबाट पुगेको टोलीले नेकपाबाट निर्वाचित वडाअध्यक्ष मियाँलाई नियन्त्रणमा लिएको बताइएको छ।

सप्तरीको कुसहास्थित वडाअध्यक्ष आफ्नै सःमिलमा बसेर सेवाग्राहीसँग घुस लिइरहेको अवस्थामा मियाँलाई अख्तियारको टोलीले पक्राउ गरेको जनाइएको छ। पक्राउ परेका मियाँबारे थप अनुसन्धान भइरहेको अख्तियारले जनाएको छ।