वैशाख १२ कै झल्को दिने गरि १२ मिनेटको फरकमा दुई पटक भूकम्प 

काठमाडौं- वैशाख १२ कै झल्को दिने गरि बुधबार बिहान भूकम्प फेरि भूकम्प गएको छ।

काठमाडौं र आसपासका क्षेत्रमा एकाबिहानै १२ मिनेटको फरकमा २ पटक भूकम्प गएको हो । लगातार गएको भूकम्पको धक्काका कारण काठमाडौं र आसपासका स्थानीय त्रसित बनेका छन् ।  

भूकम्पको पहिलो धक्का बुधबार बिहान ६ बजेर २९ मिनेटमा गएको थियो भने दोस्रो झड्का ६ बजेर ४० मिनेटमा गएको थियो । पहिलो भूकम्पको धक्का ५.२ म्याग्निटियूड रहेको र दोश्रो ४.३ म्याग्निटियूटको भएको राष्ट्रिय भूकम्प मापन केन्द्रले जनाएको छ। दुबै भूकम्पको केन्द्रबिन्दु धादिङको नौविसे हो। 

वैशाख १२ मा गएको विनाशकारी भूकम्पको ४ वर्ष पुग्न एकदिन अगाडी गएको भूकम्पले वैशाख १२ कै जस्तो हुने हो की भन्दै स्थानीय त्रसित देखिएका छन् ।