काठमाडौं - ग्रेटर नेपालका अध्यक्ष तथा अभियन्ता फणीन्द्र नेपाल पक्राउ परेका छन्। उनलाई काठमाडौं प्रहरी परिसर, टेकुको टोलीले मंगलबार दिउँसो चाबहिलबाट पक्राउ गरेको हो।
नरेशकुमार न्यौपानेले दिएको उजुरीको आधारमा उनलाई पक्राउ गरिएको प्रहरीले बताएको छ। उनले लिएको ६ लाख रुपैयाँको चेक बाउन्स भएको विषयमा उजुरी परेपछि पक्राउ गरिएको परिसरका डीएसपी होविन्द्र बोगटीले बताए।
यता नेपालले भने आफुलाई फसाउन खोजिएको आरोप लगाएका छन्। उनले सामाजिक सञ्जालमा लेखेका छन्, ‘मैले नरेश कुमार नेउपाने नामक घरधनीलाई घरघाडा वापत रु ६ लाख रुपैयाँको चेक दिएको थिएँ। चेकको भुक्तानी मितिमा ६ लाख रकम बुझी आज चेक ल्याउन बिर्सिएँ, भोलि चेक फिर्ता गर्छु भनेकोमा चेक बाउन्स गरेर मलाई फसाउने काम भयो। मैले नेपाल बैंक लिमिटेडको ६ लाखको चेक २०७५ मंसिर २१ गते शुक्रबार भुक्तान गर्ने गरी दिएको थिएँ। पैसा लिइसकेपछि चेक पटकपटक फिर्ता माग्दा नदिएर अहिले आएर निजले चेक बाउन्स गरी पक्राउ गर्ने भूमिका खेले।
प्रकाशित: Dec 31, 2017| 18:23 आइतबार, पुस १६, २०७४