सर्वोच्चका लागि सिफारिस न्यायाधीश अनुमोदित

नेपाल समय | आइतबार, पुस १६, २०७४

नेपाल समय

आइतबार, पुस १६, २०७४

काठमाडौं – सर्वोच्च अदालतको न्यायाधीशमा सिफारिस पाँचै जनाको नाम संसदीय सुनुवाइ समितिबाट सर्वसम्मत रुपमा अनुमोदन भएको छ।

समितिको बिहीबार बसेको बैठकले सर्वोच्चको न्यायाधीशमा सिफारिस भएका प्रकाश ढुङ्गाना, सुष्मलता माथेमा, हरि फुँयाल, कुमार रेग्मी र मनोजकुमार शर्माको नाम अनुमोदन गरेको सभापति लक्ष्मणलाल कर्णले जानकारी दिए।

समितिले उनीहरुमाथि परेको उजुरीमा प्रश्न सोध्दै उनीहरुको नाम अनुमोदन गर्ने निर्णय गरेको हो। जवाफमा पाँचै जनाले न्यायालयमा निष्पक्षता कायम राख्नेप्रतिवद्धता जनाएका थिए। न्याय परिषदले सर्वोच्चको न्यायाधीशका लागि ५ जनाको नाम सिफारिस गरेको थियो।

अनुमोदन भएका उनीहरुलाई राष्ट्रपति विद्यादेवी भण्डारीले सपथ खुवाउने छिन्।

प्रकाशित: Dec 31, 2017| 18:23 आइतबार, पुस १६, २०७४