बर्ष २०७५ : सर्वाधिक गोल गर्ने नेपालका पुरुष र महिला खेलाडी

काठमाडौं- नेपाली महिला फुटबल टोलीले बर्ष २०७५ मा अन्य बर्षको भन्दा उत्कृष्ट फुटबल खेलेका छन् । २०७५ मा नेपाली महिला टोलीले दुई इतिहास समेत रचे । पहिलो इतिहास पहिलो पटिक ओलम्पिक छनोटमा सहभागिता जनाएको नेपालले छनोटको दोस्रो चरणमा प्रवेश गर्नै इतिहास रच्यो । त्यस्तै दोस्रो इतिहास भने कहिलै पराजित गर्न नसकेको भारतलाई पराजित गर्यो । 

तर, नेपाली महिला फुटबल टोलीले यी दुई सफलता बाहेक कुनै उपाधि भने जित्न सकेन् । दक्षिण एशियालीस्तरमा सधैं पदकको विजेताका रुपमा हेरिँदै आए पनि अहिलेसम्म साफ च्याम्पियनशिपको उपाधि उचाल्न सकेको छैन । आफ्नै घरेलु मैदानमा भएको साफ महिला च्याम्पियनसिपमा पनि नेपाल भारतसँग पराजित हुँदै उपविजेतामा सिमित भयो । नेपाल विराटनगरमा आयोजान भएको पाँचौ साफमा भारतसँग ३-१ गाल अन्तरले पराजित भएको थियो । 

ओलम्पिक छनोटको पहिलो चरणमा म्यानमार र भारतसँग समान १-१ को बराबरी खेलेका नेपालले दोस्रो चरणमा भने यी नै राष्ट्र म्यानमार र भारतसँग समान ३-१ ले पराजित हुँदै घर फर्कियो । २०७५ मा नेपाली राष्ट्रिय महिला टोलीले १४ अन्तर्राष्ट्रिय खेल खेल्दा ६ खेलमा जित, तीन खेलमा बराबरी र ५ खेलमा पराजय भोगेको छ । बर्ष २०७५ मा नेपाली राष्ट्रिय महिला टोलीका लागि सर्वाधिक गोल गर्ने महिला फुटबल खेलाडी यी हुन् ।

सावित्रा भण्डारी

नेपाली राष्ट्रिय महिला टोलीकी स्ट्राइकर तथा दक्षिण एसियाको महिला फुटबलमा गोल मेसिनको रुपमा चिनिएकी सावित्रा भण्डारी (साब्बा) बर्ष २०७५ मा महिला फुटबलकी सर्वाधिक गोल कर्ता हुन् । उनले नेपाली राष्ट्रिय महिला टोलीका लागि सर्वाधिक ११ गोल गरीन् । ओलम्पिक छनोट अन्तर्गत पहिलो चरणको खेलमा म्याानमारविरुद्ध एक गोल गरेकी सावित्राले भारतमा आयोजना भएको हिरो गोल्डकपमा चार गोल गरेकी थिइन् । 

भारतलाई २-१ ले पराजति गर्दै इतिहास रच्दा नेपालका लागि दुबै गोल सावित्राले गरेकी थिइन् । सोहि प्रतियोगितामा इरानविरुद्ध थप दुई गोल गर्दै सावित्राले म्यानमारकी यइइ यइइ ओओसँग सर्वाधिक गोलकर्ताको अवार्ड सेयर गरेकी थिइन् । त्यसपछि नेपालमै आयोजना भएको पाँचौ साफ महिला च्याम्पियनसिपमा चार गोल गरीन् । उनले उक्त प्रतियोगिताका चार खेल खेल्दै प्रत्यक खेलमा एक एक गोल गरेकी थिइन् । 

उनले भुटान, बंगलादेश, श्रीलंका र भारत गरी चार खेलमा एक एक गोल गरेकी थिएन् । ओलम्पिक छनोट अन्तर्गत दोस्रो चरणको खेलमा सावित्राले दुई गोल गरीन् । दोस्रो चरणको अन्तिम खेलमा सान्तोना जित निकाल्ने क्रममा सावित्राले नयाँ प्रतिद्वन्द्वी इन्डोनेसियासँग २ गोल गरेकी थिइन् । समग्रहमा बर्ष २०७५ मा सावित्राले राष्ट्रिय टोलीका लागि ११ गोल गरेकी हुन् । 

निरु थापा

नेपाली राष्ट्रिय महिला फुटबल टोलीकी कप्तान तथा स्ट्राइकर निरु थापा बर्ष २०७५ मा महिला फुटबलमा सर्वाधिक गोल गर्ने महिला खेलाडीको दोस्रो स्थानमा छिन् । उनीले ओलम्पिक छनोट अन्तर्गत पहिलो चरणमा दुई गोल गरेकी थिईन् । छनोटको पहिलो खेलमा भारतसँग १-१ बो बराबरी खेल्ने क्रममा निरुले एक गोल गरेकि थिइन् । त्यस्तै तेस्रो खेलमा बंगलादेशसँग पनि १-१ को बराबरी खेल्ने क्रममा निरुले गोल गरेकी थिइन् । 

नेपालमा आयोजना भएको पाँचौ साफ महिला च्याम्पियनसिपमा निरुले एक गोल गरीन् । उनले भुटानविरुद्धको खेलमा एक गाले गरेकी थिइन् । त्यसपछि ओलम्पिक छनोट अन्तर्गत दोस्रो चरणको खेलमा निरुले दुई गोल गरीन् । पहिलो खेलमा ३-१ ले पराजित हुँदा निरुले एक गोल गरेकी थिइन्  भने भारतसँग पनि सोही नतिजामा पराजित हाँद निरुले नै एक गोल गरेकी थिइन् । यससँगै निरुले बर्ष २०७५ मा नेपाली राष्ट्रिय टोलीका लागि ५ गोल गरिन् । 

मन्जली कुमारी योन्जन

नेपाली राष्ट्रिय महिला फुटबल टोलीकी १७ बर्षीय मिडफिल्डर मन्जली कुमारी योन्जन बर्ष २०७५ मा राष्ट्रिय महिला टोलीमा सर्वाधिक गाले गर्ने खेलाडीको तेस्रो स्थानमा छिन् । उनले बर्ष २०७५ मा राष्ट्रिय टोलीका लागि तीन गोल गरेकी छन् । उनले भारतमा आयोजना भएको हिरो गोल्ड कपमा म्यामारविरुद्धको फाइनल खेलमा एक गोल गरेकी थिइन् । 

जहाँ नेपाल म्यानमारसँग ३-१ गोलले पराजति हुँदै उपविजेता बनेको थियो । त्यसपछि नेपालमा आयोजना भएको साफ महिला च्याम्पियनसिपमा मन्जलीले दुई गोल गरेकी थिइन् । उनले समूह चरणको पहिलो खेलमा भुटानसँगको खेलमा एक गोल गरेकी थिइन् भने एक गोल बंगलादेशसँगको तेस्रो खेलमा गरेकी थिइन् ।
 
अनिता बस्नेत

नेपाली राष्ट्रिय महिला फुटल टोलीकी मिडफिल्डर अनिता बस्नेतले बर्ष २०७५ मा राष्ट्रिय टोलीका लागि दुई गोल गरेकी छन् । उनले भारतमा आयोजना भएको हिरो गोल्ड कपमा इरानविरुद्धको खेलमा एक गोल गरेकी थिइन् । त्यस्तै नेपालमा आयोजना भएको साफ महिला च्याम्पियनसिपमा एक गोल गरेकी थिइन् । उनले साफ महिला च्याम्पियनसिपमा श्रीलंकाविरुद्धको सेमिफाइनल खेलमा एक गाले गरेकी थिइन् । 

००००

नेपाली फुटबलमा पुरुष टिमले भन्दा केही नेपाली खेलाडी चर्चामा रहे । व्यक्तिगततर्फ दुई नेपाली फुटबलरले यस वर्ष दुईवटा अवार्डसमेत जित्न सफल भए । रोहित चन्द नेपालमा भन्दा इण्डोनेसियामा बढी चर्चामा रहे । इण्डोनेसियाको लिग खेल्ने रोहितले वर्ष २०७५ मा अहिलेसम्मकै ठूलो सफलता हात पारे । उनी खेलेको क्लब पर्सिजा जकार्ताले लिगको उपाधि जित्यो भने रोहित उत्कृष्ट खेलाडी बने । 

यसैगरी नेपाली गोलकिपर किरण चेम्जोङले विदेशी भूमिमा उपाधि तथा उत्कृष्ट खेलाडीको अवार्ड प्राप्त गरे । माल्दिभ्स लिगको उत्कृष्ट गोलकिपर बनेपछि उनको चर्चा चुलिएको छ । नेपालले अन्तर्राष्ट्रिय प्रतियोगिताहरुमा भने सोचेअनुसारको सफलता प्राप्त गर्न सकेन । बङ्गलादेशमा सम्पन्न साफ फुटबल तथा बङ्गबन्धु गोल्डकपमा सहभागिता जनाएको नेपालले साफ च्याम्पियनशिपमा सेमिफाइनलसम्मको यात्रा तय गर्दा बङ्गबन्धु कपमा भने समूह चरणबाटै घर फर्कियो ।

कुवेतसँग भएको दुई मैत्रिपूर्ण खेलमा नेपालले एक खेलमा बराबरी र एक खेलमा पराजित भयो । यस बर्ष नेपाली राष्ट्रिय पुरुष टोलीले अन्तर्राष्ट्रिय ८ खेल खेल्यो । जहाँ दुई खेलमा जित र एक खेलमा बराबरी खेल्दा ५ खेलमा भने पराजय भोग्यो । बर्ष २०७५ मा अन्तर्राष्ट्रय गोल गर्ने शीर्ष खेलाडीहरु ।

विमल घर्तीमगर

नेपाली राष्ट्रिय टोलीका स्ट्राइकर विमल घर्तीमगर नेपालका लागि यस बर्ष सर्वाधिक अन्तर्राष्ट्रिय गा्ल गर्ने पहिलो खेलाडी बनेका छन् । उनले नेपाली राष्ट्रिय टोलीबाट दुई गोल गरेका छन् । उनले बंगलादेशमा आयोजना भएको साफ सुजुकी कपमा पाकिस्तानसँग भएको खेलमा आफ्नो बर्ष २०७५ को पहिलो गोल गरेकका थिए । उनले पाकिस्तानसँग २-१ गोलले पराजित हाँदा नेपालका लागि खेलको ८२ औं मिनेटमा एक गाले फर्काएका थिए ।

 त्यसपछि यसै प्रतियोगितामा आफ्नो तेस्रो खेलमा बंगलादेशविरुद्ध एक गोल गरेका थिए । उक्त खेलमा नेपालले बंगलादेशलाई २-० ले पराजित गरेको थियो । विमलले बंगलादेशसँगको खेलमा ३३ औं मिनेटमा गोल गरेक थिए । विमलले राष्ट्रिय टोलीका २६ खेलमा ८ गोल गरेका छन् । 

अनन्त तामाङ

नेपाली राष्ट्रिय टोलीका डिफेन्डर अनन्त तामाङले बर्ष २०७५ मा एक गोल गरे । उनले बंगलादेशमा आयोजना भएको साफ सुजुकी कपमा भुटानसँग ४-० ले विजयी हुँदा नेपालका लागि खेलको २१ औं मिनेटमा पहिलो गोल गरेका थिए । उक्त खेलमा मिडफिल्डर सुनिल बलले ७१ औं मिनेट, विंगर भरत खवासले ७९ औं मिनेट र मिडफिल्डर निरन्जन खड्काले ८८ औं मिनेटमा गोल गरेका थिए । 

त्यस्तै बंगलादेशसँगको खेलमा विमलले गोल गर्दा एक गोल स्ट्राइकर नवयुग श्रेष्ठले पनि गरेका थिए । उनले खेलको ९० औं मिनेटमा गोल गर्दै नेपाललाई २-० को जित दिलाएका थिए ।