हरी र भिमको अर्धसतकमा युएईलाई २४८ रनको लक्ष्य

काठमाडौं- हरी चौहान र भिम सार्कीको अर्धसतकको मद्दतले नेपालली यू-१९ क्रिकेट टोलीले युएई यू-१९ क्रिकेट टोलीलाई २ सय ४८ रनको लक्ष्य सुम्पेको छ । टस हारेर पहिले ब्याटिङको निम्तो पाएको नेपालले निर्धारित ५० ओभरमा सबै विकेट गुमाउँदै २ सय ४७ रन जोडेको हो । 

नेपालका लागि हरीले अविजित ६७ रनको अर्धसतकीय पारी खेले । उनले ७४ बलको सामना गर्दै ७ चौकाको मद्दतमा ६७ रनको अविजित पारी खेलेका हु्न । त्यस्तै भिम सार्कीले ५३ रनको अर्धसतकिय पारी खेले । 

उनले ५४ बलमा ४ चौका र २ छक्का प्रहार गर्दै ५३ रन जोडेका हुन् । रित गौतमा भने अर्धसतकबाट ६ रनले चुके । ओपनर गर्न मैदान गएको रितले ७३ बलको सामना गर्दै तीन चौकाको मद्दतमा ४४ रन जोडे । 

आरिफ सेखले २७ रन जोड्दा कप्तान रोहित कुमार पौडेलले १८, पवन सराफले १२ रन जोडे । युएईका लागि रिषभ मुखर्जीले ४ विकेट लिए । त्यस्तै मुहमद फराजुद्दीनले तीन तथा आरोन बेन्जामिन, षरफु र पलानिएपन मेइयाप्पानले एक एक विकेट लिए । 

नेपालले आफ्नो पहिलो खेलमा सिंगापुरलाई २ सय १८ रनको फराकिलो अन्तरले पराजित गरेको थियो ।