'सेतो कोट लाएर विरोध गर्न पाइन्छ?'

काठमाडौं – सरकारका प्रवक्ता तथा सञ्चार तथा सुचना प्रविधिमन्त्री गोकुल बाँस्कोटाले सेतो कोट लगाएर विरोध गर्नु अव्यवहारिक हुने बताएका छन्।

सरकारी चिकित्सकले समायोजन प्रति असन्तुष्टि जनाउँदै आकस्मिक वाहेकका सेवा अवरुद्ध पारेको सन्दर्भमा मन्त्री बाँस्कोटाले सेतो बर्दी लाएर हड्तालमा जान नहुने बताए। 'खटाएको ठाउँमा जान्नौं, हामीले सेतो कोट लाएका छौं। हामी जहाँ बस्यो जनता त्यहीं आउनुपर्छ भन्नु अव्यवहारिक हुन्छ।', उनले भने, 'समायोजन हुन्छ र गर्नैपर्छ। जहाँ जनता बस्छन्, त्यहाँ सरकारी सेवा पुग्छ।'

मास स्केलको समायोजन भएकाले केही टेक्निकल गडबडी हुनसक्ने उनले बताए। उनले सरकार चिकित्सकका व्यवहारिक माग सम्बोधन गर्न तयार रहेको तर, डाक्टरलेसमेत आफ्नो मर्यादा बुझ्नुपर्ने बताए। 

'हामीले जे गरेपनि हुन्छ भन्ने संस्कार र संस्कृतिको विकास गरेर डाक्टरको मर्यादा रहन्छ की रहन्न?, त्यो उहाँहरुले बुझुनुपर्ने कुरा हो।', मन्त्री बाँस्कोटाले भने।