डाक्टरले लगाएकाे ताला प्रहरीले तोड्याे

काडमाडौं - सरकारी डाक्टरले वीर अस्पतालमा लगाएको ताला प्रहरीले बल प्रयोग गरेर खुलाएको छ। प्रहरीले ताला खुलाए पनि डाक्टरले बिरामीको स्वास्थ्य परीक्षण भने गरेका छैनन्।

वीर अस्पतालका निर्देशक डा. केदार सेञ्चुरीले डाक्टरले आफ्नो कार्यकक्षभन्दा बाहिर बिरामी जाँचिरहेको बताएका छन्। उनले भने, ‘अस्पताल प्रशासनकै पहलमा ताला खुलाइएको हो। अहिले बाहिरै बिरामी जाँच्ने काम भइरहेको छ।’

डाक्टरहरुले बिरामी जाँच्न थाले पनि अत्यावश्यक बाहेकका अपरेसनको काम भने गरेका छैनन्। यसबाट अपरेसनका लागि पालो कुरिरहेका बिरामी अलपत्र परेका छन्।

सबै सरकारी डाक्टरहरुलाई केन्द्रमा समायोजन गर्न माग गर्दै सरकारी डाक्टरहरुले आकस्मिक बाहेकका सेवा ठप्प पारेको पाँच दिन बितिसकेको छ।

ताला ताेडेपनि डाक्टरले विराेध स्वरुप वीर अस्पताल परिसर वाहिरै बिरामी चेकजाँच गर्न थालेका छन्।