डडेल्धुरामा बस दुर्घटना, २३ घाईते

धनगढी- डडेल्धुरामा बस दुर्घटना हुँदा २३ जना घाईते भएका छन्। 

प्रदेश ट्राफिक प्रहरी कार्यालयका अनुसार अत्तरियाबाट बाजुरा जादै गरेको ना ४ ख ६८३६ नम्बरको बस राति २ बजे डडेल्धुराको अमरगढी नगरपालिकाकाको  सल्लाघारीमा दुर्घटना हुदा २३ यात्रु घाइते भएका हुन्। 

घाईते मध्ये २२ को अवस्था मध्यम रहेको र एकको अवस्था गम्भीर रहेको प्रहरीले जनाएको छ। गम्भीर घाईते कञ्चनपुरको कृष्णपुरकी ६१ वर्षीया शान्ति  दयाललाई धनगढी ल्याईएको छ। अन्यको डडेल्धुरामै उपचार भइरहेको बताईएको छ। बस अनियन्त्रित भएर दुर्घटना भएको प्रहरीले जनाएको छ।