ट्रक र मोटरसाइकलको ठक्करमा सिरहामा तीनजनाको मृत्यु

नेपाल समय | आइतबार, पुस १६, २०७४

नेपाल समय

आइतबार, पुस १६, २०७४

जनकपुरधाम – ट्रक र मोटरसाइलक एक आपसमा ठोकिएर दुर्घटना हुँदा सिरहामा तीनजनाको घटनास्थलमै मृत्यु भएको छ। पूर्वपश्चिम राजमार्गस्थित सिरहाको लहान नगरपालिका–१३ भोटिया नजिक ना ३ ख ७७७४ नम्बरको ट्रक र स १ प ७३७८ नम्बरको मोटरसाइलक एक आपसमा ठोकिँदा दुर्घटना भएको बताइएको छ।

दुर्घटनामा लहान नगरपालिका–४ बस्ने २६ वर्षीय कृष्णा सहनी, शिव सहनी र २५ वर्षीय मनोज मण्डलको मृत्यु भएको प्रहरीले जनाएको छ। पूर्वबाट पश्चिमतर्फ आउँदै गरेको ट्रकले विपरित दिशाबाट जाँदै गरेको मोटरसाइकललाई ठक्कर दिएपछि दुर्घटना भएको बताइएको छ।

ठक्कर दिने ट्रक र चालकलाई प्रहरीले पक्राउ गरी थप अनुसन्धान गरिरहेको ईलाका प्रहरी कार्यालय लहानले जनाएको छ।

प्रकाशित: Dec 31, 2017| 18:23 आइतबार, पुस १६, २०७४