यसरी निकालियो मन्‍त्री अधिकारीसहित ७ जनाको शव (भिडियो)

ताप्लेजुङ- हेलिकोप्टर दुर्घटनामा परी ज्यान गुमाएका पर्यटनमन्त्री रवीन्द्र अधिकारीसहित सात जनाको उद्धार निकै कष्टपूर्ण तरिकाले गरिएको छ । बुधबार दिउँसो भएको दुर्घटनामा ज्यान गुमाएका मध्ये ४ जनाको बुधबार र ३ जनाको शव बिहिबार बिहान निकालिएको छ । 

निकै खोचमा रहेको शव बुधबार दिनभर प्रयास गरिए पनि भारी हिमपात र वर्षाका कारण सम्भव भएको थिएन । निकै कष्टपूर्ण तरिकाले शव निकालिएको ताप्लेजुङ प्रहरी प्रमुख तथा प्रहरी नायब उपरीक्षक सञ्जयसिंह थापाले जानकारी दिए ।

काठमाडौँबाट तेह्रथुमको चुहानडाँडामा विमानस्थलको सम्भाव्यता अध्ययनका लागि मन्त्री   अधिकारीसहितको टोली कार्यक्रम सकेर पाथीभरा हुँदै काठमाडौँ फर्किने क्रममा बुधबार   ताप्लेजुङको दारेभीरमा दुर्घटनामा परेको थियो । 

 दुर्घटनामा मन्त्री अधिकारीसहित यति एयरलाइन्सका अध्यक्ष आङछिरिङ शेर्पा, प्रधानमन्त्रीका     सरकारी स्वकीय सचिव युवराज दाहाल, क्याप्टेन प्रभाकर केसी, नागरिक उड्डयन प्राधिकरणका   उपनिर्देशक विरेन्द्र प्रसाद श्रेष्ठ, मन्त्री अधिकारीका पिएसओ अर्जुन घिमिरे, नागरिक उड्डयन   प्राधिकरणका इन्जिनियर धुर्वदाश घोचिमियाको निधन भएको छ ।