अन्तर्राष्ट्रिय नाट्य महोत्सव सुरु

काठमाडौं – प्रधानमन्त्री केपी शर्मा ओलीले नाट्य कर्मीलाई सहयोग गर्ने बताएका छन्। सोमबार साँझ ‘नेपाल अन्तर्राष्ट्रिय नाट्य महोत्सव–२०७५’को उद्घाटन गर्दै प्रधानमन्त्री ओलीले नाटकको विकासका लागि नाट्य कर्मीलाई सहयोग गर्ने बताएका हुन्। 

आगामी आर्थिक वर्षको वजेटमा सरकारले नाट्य विधाको विकास र उत्थानका लागि वजेटको ब्यवस्था गर्ने ओलीले बताए। 

कला, साहित्य र संस्कृतिको विकास अनिवार्य रहेको भन्दै उनले समग्र क्षेत्रको विकास विना देश समृद्ध नबन्ने बताए । ओलीले आफू कलाकार नभएपनि कला प्रेमी भएको बताएका थिए। 

आफूले नै नाट्यकर्मीलाई खोजेको बताउँदै प्रधानमन्त्री ओलीले देशलाई चौतर्फी रुपमा विकास गर्ने आफूले चौतर्फी रुपमा ध्यान दिइरहेको बताए। कला, साहित्य र संस्कृति विना देशको विकास हुन नसक्ने उनको भनाइ छ। नाटकलाई संगठित र व्यबस्थित ढङगले अगाडि लैजानु पर्नेमा पनि उनले जोड दिए।