प्रहरीले एकैपटक माग्यो सयौंको संख्यामा प्राविधिक

काठमाडौँ- नेपाल प्रहरीले प्राविधिक समूह अन्तर्गत विभिन्न पदमा ठूलो संख्यामा आवेदन मागेको छ । करिव एक दर्जन भन्दा बढि पदमा एकैसाथ भर्ना खोलेको प्रहरीले सयौंको संख्यामा प्राविधिक माग गरेको हो । 

प्रहरी प्रधान कार्यालय, मानवस्रोत एवं प्रशासन विभागले सोमबार गोरखापत्रमा सुचना प्रकाशित गर्दै स्वास्थ्य, इन्जिनियरिङ, सञ्चार, सूचना प्रविधि, भौतिक पूर्वाधारलगायत क्षेत्रमा दरखास्त आह्वान गरेको छ । 

उसले विभिन्न पदका आधारमा उमेर तय गरेको छ। प्राविधिक प्रहरी साहायक निरिक्षकका लागि १८ वर्ष पुरा भइ २८ वर्ष ननाघेको हुनु पर्ने छ । यस्तै प्राविधिक प्रहरी नायव निरिक्षकका लागि  १८ वर्ष पुरा भई ३० वर्ष ननाघेको हुनु पर्ने, प्राविधिक प्रहरी निरिक्षकका लागि २० वर्ष पुरा भई ३२ वर्ष ननाघेको हुनुपर्ने, प्राविधिक प्रहरी नायव उपरिक्षकका लागि २३ वर्ष पुरा भई ३५ वर्ष ननाघेको हुनु पर्ने प्रावधान राखिएको छ । 

दरखास्त दिनका लागि फागुन २६ देखि  चैत २२ गतेसम्मको समयावधी दिइएको भर्ना तथा छनौट महाशाखाले जनाएको छ ।