घाइते मेस्सीलाई किन घोच्दै छ बार्सिलोना?

एजेन्सी- बार्सिलोनाका स्टार खेलाडी तथा कप्तान लियोनल मेस्सी पछिल्लो पटक २ फेब्रअरीमा भ्यालेन्सियाविरुद्धको खेलमा घाइते भएका थिए । उनी ला लिगाको २२ औं खेलको ६९ औं मिनेटमा घाइते भएका थिए । उक्त खेलमा बार्सिलोनाले २-२ को बराबरी खेल्दा कप्तान मेस्सी एक्लैले दुई गोल गरेका थिए । 

खेलको ३९ औं मिनेटमा पेनाल्टी मार्फत पहिलो गोल गरेका मेस्सीले ६४ औं मिनेटमा व्यक्तीगत दोस्रो गोल गरे । तर, दोस्रो गोल गरेको तीन मिनेट नबित्दै मेस्सी घाइते भएका थिए । उक्त खेलमा घइते भएपनि उनले मैदानमा भने पुरै समय बिताए । 

उक्त खेल पछि उनको  तीघ्राको मांशपेसीमा समस्या देखिएको थियो । जस कारण उनी रियलविरुद्धको पहिलो लेगमा खेल्ने सम्भावना ज्यादै न्यूनरहेको बताइएको थियो । तर, उक्त खेलका लागि मेस्सी अति आवस्यक भएकाले अन्तीम समयसम्म उनको पर्खाइमा रहने प्रशिक्षक एर्नेस्टो भाल्भेर्डेले बताएका थिए । 

नभन्दै मेस्सी सुरुवाती ११ मा परेनन् । रियलविरुद्ध भएको कोपा डेल’रे को पहिलो लेगमा रियलले सुरुवाती अग्रता लिएको थियो । तर, दोस्रो हाफमा बार्सिलोनाले १ गाले फर्काउँदै बराबरी खेल्यो । 

उक्त खेलमा पनि घाइते बनेका मेस्सीलाई खेलको ६३ औं मिनेटमा फिलिप्पे काउटिन्होको स्थानमा मैदानमा घोचेरै छोडे । घाइतेका बाबजुद पनि मैदान छिरेका मेस्सीले गोल गर्न नसके पनि उनको प्रदर्शन भने राम्रो रहेको थियो । 

त्यसपछि मेस्सीले पुनः ला लिगामा २३ औं लेग एथ्लेटिको बिल्बाओसँग खेल्यो । पुन खेलमा पुरै समय मैदानमा रहेपनि उनले कुनै गोल गर्न सकेनन् । ला लिगाको २४ औं लेगमा मेस्सीले ४३ औं मिनेटमा पेनाल्टीमा गोल गर्दै भालाडोलिडसँग १-० ले जित दिलाए । 

पछिल्लो खेल च्याम्पियन्स लिगमा प्रि-क्वाटरफाइनलको पहिलो लेगमा लियोनसँग खेल्यो । लियोनको घरेलु मैदानमा बुधबार भएको खेलमा बार्सिलोनाले गोलरहित बराबरी खेल्यो । घाइते मेस्सीलाई बार्सिलोनाले मैदानमा घोचि रहनुले पनि पछिल्लो खेलहरुमा राम्रो नतिजा आउन सकिरहेको छैन् । 

त्यसैले मेस्सीलाई केही समय आरामको आवस्यकता छ । आज (शनिबार) बार्सिलोनाले सेभियासँग उसैको मैदानमा खेल्दै छ । त्यसको केही दिन पछि बार्सिलोनाले च्याम्पियन्स लिगमा लियोनसँगको प्रि-क्वाटरफाइनलको दोस्रो लेग खेल्दै छ । जुन च्याम्पियन्स लिगमा अघि बढ्नका लागि बार्सिलोनालाई जितको आवस्यकता छ । 

त्यसैले पनि सेभियाविरुद्धको खेलमा मेस्सीलाई विश्राम दिन आवस्यक छ । पछिल्लो समय घाइले भएपछि मेस्सीले चार खेल खेल्दा एक गोल मात्र गरेका छन् । उक्त गोल पनि उनले पेनाल्टीमा गरेका हुन् ।