वायुसेवा निगमले माग्यो १७४ कर्मचारी

काठमाडौं – नेपाल वायुसेवा निगमले सिनियर पाइलटसहित विभिन्न तहका १७४ जनशक्तिको स्थायी पदपूर्तिका लागि दरखास्त आह्वान गरेको छ। लोक सेवा आयोगको स्वीकृतिमा निगमले शुक्रबार पदपूर्तिको सूचना प्रकाशित गरेको हो।

निगमले सिनियर क्याप्टेन १३ जना, जुनियर क्याप्टेन १५ जना, जुनियर को–पाइलट १३ जना माग गरेको छ।

यस्तै, प्रशासनतर्फ १० जना अधिकृत माग गरेको निगमले प्रशासनकै वरिष्ठ सहायक तह ५ मा ३४ जना माग गरेको छ। सहायक चौथो तहमा १८ जना कर्मचारी माग गरेको निगमले वायुयान मर्मत–सम्भारका लागि १४ जना टेक्निसियन कर्मचारीका लागि दर्खास्त माग गरेको छ। 

फागुन ३० गतेसम्म दरखास्त दिन सकिने समय तोकिएको छ। डबल दस्तुरमा चैत ७ गतेसम्म आवेदन दिन सकिने छ।