स्कुलबाटै शिक्षिका सम्पर्क बिहिन

धनगढी- कैलालीको लम्की चुहा नगरपालिका-१ मा रहेको आदर्श नमुना माध्यमिक विद्यालयकी शिक्षिका प्रतिभा आर्चाय सम्पर्क विहिन भएकी छन्।

सोमबार दिउँसोदेखि शिक्षिका आचार्य सम्पर्कबिहिन भएको इलाका प्रहरी कार्यलय लम्कीले पुष्टि गरेको छ। आफुले प्रयोग गर्ने मोबाइल र झोला विद्यालयमै छोडेर उनी सम्पर्कमा नआएको प्रहरीले जनाएको छ। शिक्षिकाका आफन्तहरुले तत्काल खोेजीको माग गर्दे मंगलबार लम्कीमा नाराबाजीसमेत गरेका छन्। 

आचार्यको खोजीका लागि सबै ठाउँमा सूचना गरिसकिएको र घटनाको बारे थप अनुसन्धान भइरहेको इलाका प्रहरी कार्यालय लम्कीका प्रमुख सुरेन्द्र जोशीले जानकारी दिए। 

करिब छ महिना पहिले मावि तहमा अध्यापनका लागि करारमा नियुक्त गरिएकी आचार्यलाई सोमबार विद्यालयले करार सम्झौता सकिएको भन्दै अवकाश दिएको खबर सुनिएको छ।