करेन्ट लागेर विद्युतका कर्मचारीको ज्यान गयो    

धनगढी- बैतडीमा करेन्ट लागेर विद्युत कार्यालयमा कार्यरत कर्मचारीको ज्यान गएको छ । स्थानीय सुर्नया जलविद्युत केन्द्रको पावरहाउसमा कार्यरत ५७ वर्षीय भानसिंह केसीको करेन्ट लागेर ज्यान गएको हो ।

प्रहरीले दिएको जानकारी अनुसार पावरहाउस नजिकैको ट्रास्फर्मरमा फ्युज उडेपछि फ्यूज हाल्न खोज्दा करेन्ट लागेर घट्नास्थलमै ज्यान गएको प्रहरीले जानकारी दिएको छ ।

केसीको ठेगाना पाटन नगरपालिका६ बेतौडी बैतडी रहेको बुझिएको छ । विहान करिव ८ बजेतिर उक्त घट्ना भएको र शव पोष्टमाटम पछि आफन्तले बुझेर लगेका छन् ।