न्यायाधीश दीपकराज जोशीले दिए राजीनामा

काठमाडौं- सर्वोच्च अदालतका न्यायाधीश दीपकराज जोशीले राजीनामा गरेका छन् । 

लामो समयदेखि पेशी नपाएपछि कामबिहिन भएका जोशीले मंगलबार बिहान राजीनामा दिएका हुन् । चोलेन्द्रशम्शेर राणाले आफू प्रधानन्यायाधीश भएपछि जोशीलाई पेशी दिन छाडेका थिए । उनले आफ्नो स्वागतमा समेत जोशीलाई नबोलाउन उर्दी जारी गरेका थिए।
 
प्रधानन्यायाधीशले नै वेवास्ता गरेपछि उनी नैतिक रुपमा बाध्य भएर राजीनामा गरेको स्रोतको दावी छ । उनलाई राजीनामाका लागि प्रधानन्यायाधीश राणा र न्यायलय भित्रैका अन्य कर्मचारीहरुले दवाव दिएका थिए । 

सत्तारुढ दल नेकपाका सांसदहरुले पनि विभिन्न अभियोग लागेको अवस्थामा राजीनामा दिएर छानबिनका लागि सहयोग गर्न आग्रह गरेका थिए । जोशी संवैधानिक परिषद्बाट प्रधानन्यायाधीशका लागि सिफारिस भएपनि संसदीय सुनुवाइ विशेष समितिले उनको नाम अस्विकृत गरेको थियो ।

सोहि समयदेखि राजीनामाको दवाव परेपनि करिब ६ महिनापछि उनले राजीनामा दिएका हुन् । उनको शैक्षिक प्रमाणपत्रमाथि संसदीय समितिमै प्रश्न उठेको थियो ।