जिल्लाका प्रत्‍येक सामुदायिक विद्यालयमा नर्स नियुक्ति गर्दै प्रदेश १ सरकार

इटहरी- प्रदेश १ सरकारले प्रदेश १ का १४ जिल्लाका १४ सामुदायिक विद्यालयहरुमा नर्स नियुक्ति गर्ने भएको छ। विद्यालयमा शिक्षासँगै प्राथामिक उपचारमा सहयोग गर्न यस्तो गर्न लागिएको प्रदेश १ को सामाजिक मन्त्रालयले बताएको छ। 

 चालु आर्थिक वर्ष २०७५-७६ को लागि स्वीकृत भएको ‘विद्यालय नर्सिङ कार्यक्रम’को लागि सामाजिक विकास मन्त्रालयले नर्स भर्नाको आवेदन समेत मागेको छ।

फागुन १६ गते मन्त्रालयमा योग्य नर्सहरु छनोट गरिने र छनौटको आधार शैक्षिक योग्यता, अनुभव र अन्तरवार्ता हुने मन्त्रालयकि सामुदायिक नर्सिङ शाखाकि प्रमुख केसु काफ्लेले बताइन।
 
यी हुन नर्स  नियुक्ति हुने प्रदेश १ का १४ जिल्लाका १४ विद्यालयहरू

१. श्री थेचम्बु माध्यमिक विद्यालय- ताप्लेजुङ
२. श्री गणेश माध्यमिक विद्यालय- पाँचथरः
३. श्री आदर्श माध्यमिक विद्यालय- इलाम
४. श्री देवी माध्यमिक विद्यालय- झापा
५. श्री पोखरिया माध्यमिक विद्यालय- मोरङ
६. श्री बालमन्दीर माध्यमिक विद्यालय- सुनसरी
७. श्री अरुणेदय माध्यमिक विद्यालय- धनकुटा
८. श्री वसन्त माध्यमिक विद्यालय- तेह्रथुम
९. श्री सरस्वती माध्यमिक विद्यालय- संखुवासभा
१०. श्री तिम्मा माध्यमिक विद्यालय- भोजपुर
११. श्री जनजागृति माध्यमिक विद्यालय- सोलुखुम्बु
१२. श्री ज्ञानज्योती माध्यमिक विद्यालय- ओखलढुंगा
१३. श्री राष्ट्रिय माध्यमिक विद्यालय- खोटाङ
१४. बालमन्दिर माध्यमिक विद्यालय- उदयपुर