प्रदेश प्रमुख मल्ललाई मध्यरातमा काठमाडौँ लगियो

धनगढी- सुदूरपश्चिम प्रदेशका प्रदेश प्रमुख मोहनराज मल्ललाई थप उपचारका लागि मध्यरातमै काठमाडौँ लगिएको छ। नेपाली सेनाको नाईटभिजन हेलिकप्टरबाट राति १ बजेतिर मल्ललाई काठमाडौं लगिएको हो । 

स्वास्थ्यमा समस्या देखिएपछि  आइतबार साँझ  धनगढीको निर्सग अस्पताल भर्ना भएका मल्लको स्वास्थ्य अवस्था चिन्ताजनक भएपछि मध्यराति नै काठमाडौं लगिएको उनका निजी सुरक्षा गार्ड डम्बर मल्लले जानकारी दिए । 

मल्लको अहिले नेपाल प्रहरी अस्पताल महाराजगंजमा उपचार भइरहेको र स्वास्थ्यमा केही सुधार आएको मल्लले जानकारी दिए । ७१ वर्षीय प्रदेश प्रमुख मल्ल कम्पन ज्वरोका कारण शारिरीक रुपमा अति कमजोर भएको उपचारमा संलग्न चिकित्सकले बताएका छन्।