अचानक राष्ट्रपतिसँग शीर्ष नेताहरुले किन भेटे ? 

काठमाडौँ- राष्ट्रपति विद्यादेवी भण्डारीसँग प्रधानमन्त्री केपी शर्मा ओलीसहित प्रमुख दुई दलका तीन शीर्ष नेताहरुले भेटवार्ता गरेका छन् ।

आइतबार बेलुका प्रधानमन्त्री ओली, नेपाल कम्युनिष्ट पार्टी (नेकपा)का अध्यक्ष पुष्पकमल दाहाल‘ प्रचण्ड र प्रमुख प्रतिपक्ष दल नेपाली काङ्ग्रेसका सभापति शेरबहादुर देउवा, उपसभापति विजयकुमार गच्छदारले सामुहिक रुपमा भेटवार्ता गरेका हुन । 

राष्ट्रपति भण्डारीको निमन्त्रणमा शीतल निवासमा भएको भेटमा समसामयिक राजनीतिक विषयमा छलफल भएको भनिए पनि विस्तृत रुपमा जानकारी गराइएको छैन । लामो समयपछि राष्ट्रपतिले शीर्ष नेताहरुसँग सामुहिक रुपमा भएको भेटलाई विशेष महत्वका साथ हेरिएको छ । 

स्रोतका अनुसार सत्तापक्ष र प्रतिपक्षबीच बढेको दूरी कम गर्नका लागि राष्ट्रपतिले भेटघाटको आयोजना गरेकी हुन् । भेटमा दुबै पक्षलाई मिलेर अघि बढ्न अपिल गरेकी थिइन ।