अख्तियारका आयुक्त राजनारायणले दिए पदबाट राजीनामा

काठमाडौं – अख्तियार दुरुपयोग अनुसन्धान आयोगका आयुक्त राजनारायण पाठकले पदबाट राजीनामा दिएका छन्। घुसकाण्डमा मुछिएको भनिएका पाठकले शुक्रबार दिउँसो राष्ट्रपति विद्यादेवी भण्डारीसमक्ष राजीनामा बुझाएका हुन्। 

भक्तपुरमा रहेको नेपाल इन्जिनियरिङ कलेजसम्बन्धी विवादमा लाखौं रुपैयाँ घुस बुझेको भिडियो सार्वजनिक भएपछि सरकारले उनीमाथि महाअभियोग लगाउने तयारी गरेको थियो। उनले महाअभियोगबाट जोगिन पदबाट राजीनामा दिएको बताइएको छ।

तर, यसवीचमा राष्ट्रपतिले राजीनामा स्वीकृत नगरेको अवस्थामा पाठकमाथि महाअभियोगको कारवाही चल्न सक्ने स्रोतको भनाइ छ।