काठमाडौं- नवनियुक्त प्रदेश २ प्रमुख हरिशंकर मिश्रले पद तथा गोपनीयताको शपथ ग्रहण गरेका छन्। राष्ट्रपति श्रीमती विद्यादेवी भण्डारीले मिश्रलाई शपथग्रहण गराएकी हुन्।
सोमबारको मन्त्रिपरिषद् बैठकले प्रदेश २ प्रमुखमा मिश्रलाई सिफारिस गरेको थियो। सिफारिसअनुसार राष्ट्रपति भण्डारीले नेपालको संविधानको धारा १६३ को उपधारा (२) बमोजिम हरिशंकर मिश्रलाई प्रदेश २ को प्रदेश प्रमुखमा नियुक्त गरेकी थिइन्।
महोत्तरीको पिपरा गाउँपालिका पिपरा बस्ने उनी नेपाली कांग्रेसका नेता स्वर्गीय रामनारायण मिश्रका छोरा हुन्। मिश्र नेपाली कांग्रेसबाट सांसदमा समेत निर्वाचित भएका थिए।
केपी शर्मा ओली नेतृत्वको सरकारले तिलक परियारलाई बर्खास्त गरेर राजेश झा अहिराजलाई प्रदेश प्रमुखमा नियुक्त गरेको थियो। शेरबहादुर देउवा सरकारले झालाई हटाएर मिश्रलाई सिफारिस गरेको हो।
प्रदेश २ प्रमुख मिश्र।