डीपीएलका खेल दुई दिन ढिलो सुरु हुने

धनगढी- तेस्रो संस्करणको धनगढी प्रिमियर लिग (डीपीएल) टी–२० क्रिकेट दुई दिन ढिलो सुरु हुने भएको छ। वर्षाका कारण मैदान हिलाम्य भएपछि सुरुवाती दुई दिनका खेल दुई दिन पर धकेलिएका हुन्। 

तर, प्रतियोगिताको उद्घाटन भने शनिबार नै हुने आयोजक धनगढी क्रिकेट एकेडेमिले प्रेश विज्ञप्ति मार्फत जानकारी गराएको छ। वर्षाका कारण मैदान हिलाम्मे भएको र पिच पनि भिजेकाले खेल तालिका दुई दिन सरेको हो। 

पहिलो पटक क्रिकेट हुन लागेको धनगढीको फाप्ला क्रिकेट मैदानमा अहिले केहि ठाँउमा पानि जमेको छ । उक्त पानिका कारण पनि खेल नहुने भएको धनगढी क्रिकेट एकेडेमिका अध्यक्ष सुवास साहीले बताएका छन्। 

शनिबारबाट सुरु हुने प्रतियोगिताको उद्घाटन खेल अव सोमबार हुने छ । साथै डीपीएलको नयाँ खेल तालिका सार्वजानिक भएको छ।