‘बी’ डिभिजन लिग विजेताले ८ लाख पाउने

काठमाडौं- सहिद स्मारक ‘बी’ डिभिजन लिगको विजेताले ८ लाख पाउने भएको छ । भोली (शुक्रबार)बाट सुरु हुने प्रतियोगिताको विजेताले ८ लाख पाउने अखिल नेपाल फुटबल संघ (एन्फा)ले बताएको हो ।

त्यस्तै उपविजेताले ५ लाख, तेस्रो हुनेले ३ लाख र चौथो हुने टिमले २ लाख पाउनेछन् । रेलिगेशन बिनाको ‘बी’ डिभिजन लिगमा १२ टिमले प्रतिस्पर्धा गर्नेछ । प्रतियोगिताका सबै खेल एन्फा कम्प्लेक्स सातदोबाटोमामा सञ्चालन हुनेछ । 

दुई समुह विभाजन गरी अञ्चालन गरिने लिगका अन्तिममा रहने टिमले १-१ ऋण अंक बोक्ने लिग निर्देशक सञ्जिव मिश्रले बताइएको छ । साथै अन्तिममा रहने टिमको तयारी खर्चबाट ५० हजार कटाउने समेत संयोजक मिश्रको बताए । 

एन्फाले बी डिभिजन क्लबलाई लिगको तयारी खर्च बापत ७-७ लाख रुपैयाँ दिएको छ ।