देशभरका शिक्षण संस्था ठप्प

काठमाडौं - नेत्रविक्रम चन्द नेतृत्वको नेकपा निकट विद्यार्थी संगठन अखिल क्रान्तिकारीले आह्वान गरेको शैक्षिक हडतालका कारण आज देशभरका शिक्षण संस्था ठप्प भएका छन्। संगठनका केन्द्रीय कोषाध्यक्ष नरेन्द्र विश्वकर्मालाई प्रहरीले प्रक्राउ गरेको विरोधमा क्रान्तिकारीले शैक्षिक संस्था बन्द गरेको हो।

विद्यालय र क्याम्पस बन्द हुँदा लाखौं विद्यार्थी प्रभावित भएका छन्। राजधानीलगायतका विभिन्न स्कुल कलेजमा पठपाठन हुन सकेको छैन। कोषाध्यक्ष विश्वकर्मा माघ १७ गते विराटनगरबाट पक्राउ परेका थिए। क्रान्तिकारीले उनको बिनासर्त रिहा गर्न सरकारसँग माग गरेको छ।