बार्सिलोना र रियलले बराबरी खेल्यो

एजेन्सी- स्पेनिस कोपा डेल रे अन्तर्गत सेमिफाइनलको पहिलो गेलमा बार्सिलोना र रियल मड्रिडले बराबरी खेलेको छन् । बार्सिलोनाको घरेलु मैदान नाउ क्याम्पमा भएको पहिलो लेगमा बार्सिलोना र रियलले १-१ गोलको बराबरी खेलेका हुन् ।

पहुना टोली रियलले घरेलु टोली बार्सिलोनाविरुद्ध सुरुवाती अग्रता लिएको थियो । तर सुरुवाती अग्रता जोगाउन नसक्दा रियलले बार्सिलोनासँग अंक बाढ्न बाध्य भएको हो । पहिलो हाफको ६ मिनेटमा नै रियलले सुरुवाती अग्रता लिएको थियो । करिम बेन्जिमाको पासमा गोल गर्दै लुकास भाजक्वेजले सुरुवाती अग्रता दिलाएका थिए । 

पहिलो हाफमा १-० ले अग्रता लिएको रियलले दोस्रो हाफमा एक गोल खाँदै खेल बराबरीमा सकियो । मुख्य स्ट्राईकर मेस्सी बिना खेलको सुरुवात गरेको बार्सिलोनाले दोस्रो हाफको ५७ औं मिनेटमा बराबरी गोल फर्काएको थियो । 

माल्कोमले गोल गर्दै घरेलु टोलीलाई हारबाट जोगाए । बार्सिलोना लगातार पाँचौ पटक प्रतियोगिता जित्ने अभियानमा रहेको छ । मेस्सी चोटका कारण दोस्रो हाफको ६३ औ मिनेटमा मात्र मैदान छिरेका थिए । अब दुबै टोलीले दोस्रो खेल फेब्रुअरी २७ मा आमने सामने हुने छन् ।