डिपिएलको विजेताले ३० लाख पाउने 

काठमाडौं- धनगढी प्रिमियर लिग (डिपिएल)को विजेता टोलीले ३० लाख पाउने भएको छ । तग बर्षको विजेता राशीबाट बीस प्रतिशत बढाउँदै यसबर्ष ३० खाल पुर्याईएक्को आयोजक धनगढी क्रिकेट एकेडेमीले प्रेस रिलिज मार्फत जानकारी दिएको हो । 

त्यस्तै उपविजेताले १२ लाख, तेस्रो हुनेले ४ लाख तथा चौथो हुने टोलीले २ लाख पाउँनेछन् । यस्तै प्रतियोगिताको गोल्डस्टार मोष्ट भेल्युवल प्लेयरलाई गोल्डस्टार सुनको जुत्ता दिईने छ । 

प्रत्येक खेलका म्यान अफ द म्याचलाई १५ हजार, म्यान अफ द सीरिज, वेस्ट ब्याट्सम्यान र बेस्ट बलरलाई समेत उचित पुरस्कारको व्यवस्था गरिएको प्रेस रिलिजमा जानकरी दिईएको छ । 

यससँगै डिपिएलको तयारी अन्तिम चरणमा पुगेको जानकारी दिएको छ । मैदान तथा प्राविधिक व्यवस्थापनका कामहरु लगभग सकिएको धनगढी क्रिकेट एकेडेमीका अध्यक्ष सुशा शाहीले जानकरी दिए । मैदानमा ५ वटा पीच निर्माण गरिएको छ । 

अस्थायी प्याराफिट निर्माण र यातायात सेवा

प्रतियोगिताका लागि ५ हजार दर्शक क्षमताको अस्थायी प्याराफिट निर्माण गरिसकिएको छ । दर्शकहरुका लागि टिकटदर लिग चरणमा ५०, प्ले-अफमा ७० र फाइनलमा १०० तोकिएको छ । 

टिकट बिक्रीको २० प्रतिशत रकम फाप्ला अन्तर्रा्ष्ट्रिय निर्माण अभियान (ड्रिम फाप्ला) लाई छुट्याइने तथा ४० प्रतिशत रकम सहभागी टिमलाई प्रदान गरिनेछ । दर्शकको सुविधालाई मध्यनजर राख्दै सुदूरपश्चिम यातायात व्यवसायी संघ, कर्णाली रिभर यातायात संघ र धनगढी उपमहानगरपालिकाको सहयोगमा दैनिक क्याम्पस रोडदेखि फाप्ला क्रिकेट मैदानसम्म निशुल्क बस सेवाको व्यवस्था गरिएको छ ।

वल्र्ड भिजनसँग बाल विवाह अन्त्यका लागि सहकार्य 

रुस्लान धनगढी प्रिमियर लिग ३ मा वाल विवाह विरुद्धका जनचेतनामुलक सन्देशहरु प्रवाह हुने भएका छन् । सिरिजभरी उद्घोषकले वाल विवाह न्युनीकरणका लागि जनचेतनामुलक सन्देशहरु प्रवाह गर्ने सहकार्य आयोजक धनगढी क्रिकेट एकेडेमीले वल्र्ड भिजन ईन्टरनेशनल नेपाललले गरेको छ । 

खेल मैदान अवरपर र स्कोर बोर्डमा पनि वाल विवाह सम्बन्धी सन्देशहरु राखिने भएका छन् ।