मेस्सीले रियलविरुद्ध खेल्ने पक्का

एजेन्सी- बार्सिलोनाका कप्तान तथा स्ट्रार खेलाडी लियोनल मेस्सीले रियल मड्रिडविरुद्धको खेल खेल्ने पक्का भएको छ । उनले आज (बुधबार) राती हुने कोपा डेल रे अन्तर्गतको रियलविरुद्धको खेल खेल्ने पक्का भएको हो । 

खेल नेपाली समय अनुशार राति १:४५ बजेबाट बार्सिलोनाको घरेलु मैदानमा सुरु हुदैछ । यसअघि कप्तान मेस्सी रियलविरुद्धको खेलमा उपस्थित हुने वा नहुने कुनै टुङ्गो नभएबो बताइएको थियो । 

किनकी उनी पछिल्लो पटक ला लिगामा भ्यालेन्सियाविरुद्ध खेल्ने क्रममा घाइते भएको जनाईएको थियो । तर, घाइते भएपनि उनले भ्यालेन्सियाविरुद्धको खेल पुरै ९० मिनेट नै खेलेका थिए । 

उक्त खेलका क्रममा तीघ्राको मांशपेसीमा समस्या देखिएपछि रियलविरुद्धको पहिलो लेग खेल्न सम्भावना ज्यादै न्यूनरहेको खबर बाहिरिएका बेला एका एका मेस्सी रियलविरुद्ध खेल्ने पक्का भएको छ । 

भरखरैमात्र बार्सिलोनालको अफिसियर ट्विटरमा सुरुवाती ११ सार्वजानिक गर्दै मेस्सीको नाम समावेश गरिएको छ ।