बलात्कारीलाई मृत्युदण्ड दिन सांसद भुसालको माग

काठमाडौं- कांग्रेस केन्द्रीय सदस्य एवम् सांसद पुष्पा भुसालले बलात्कारीलाई मृत्युदण्ड दिन माग गरेकी छन्। प्रतिनिधिसभाको बुधबारको बैठकमा बोल्दै सांसद भुसालले पीडित १६ वर्षभन्दा कम उमेरका भएका घटनामा अपराधीलाई मृत्युदण्ड दिनुपर्ने माग गरेकी हुन्।

पछिल्लो एक वर्षमा पाँच सय ३५ बलात्कारका घटना भएको तथ्यांक प्रस्तुत गर्दै उनले ती घटनामा २१ प्रतिशत पीडित १५ वर्ष भन्दा कम उमेरको रहेको बताइन् । उनले महिला हिंसा न्यूनीकरण गर्न सरकारले बेवास्ता गरेको आरोप लगाइन्।

भुसालले गत साउनमा बलात्कारपछि हत्या गरिएकी कञ्चनपुरकी बालिका निर्मला पन्तको हत्यारा सरकारकै वरिपरि घुमेको तर सरकारले पक्राउ गर्न नसकेको बताइन्।